Міжнародная навуковая канферэнцыя

Беларуская сельскагаспадарчая бібліятэка імя І.С. Лупіновіча Нацыянальнай акадэміі навук Беларусі

Інстытут мовазнаўства імя Якуба Коласа Цэнтра даследаванняў беларускай культуры, мовы і літаратуры Нацыянальнай акадэміі навук Беларусі

27 лістапада 2025 г. Беларуская сельскагаспадарчая бібліятэка імя І.С. Лупіновіча Нацыянальнай акадэміі навук Беларусі і Інстытут мовазнаўства імя Якуба Коласа Цэнтра даследаванняў беларускай культуры, мовы і літаратуры Нацыянальнай акадэміі навук Беларусі праводзяць Міжнародную навуковую канферэнцыю «Актуальныя праблемы сельскагаспадарчай тэрміналогіі».

ПРАБЛЕМНАЕ ПОЛЕ КАНФЕРЭНЦЫІ:

• Сельскагаспадарчая тэрміналогія і тэрмінаграфія: рэтраспектыва развіцця, сучасны стан і перспектывы.
• Актуальныя напрамкі і праблемы даследавання сельскагаспадарчай спецыяльнай лексікі.
• Асаблівасці ўтварэння і функцыянавання тэрмінаў розных сфер сельскагаспадарчай галіны.
• Узаемаўплывы розных дысцыплін і прадметных абласцей і сельскагаспадарчай тэрміналогіі.
• Дыялекты і архаізмы ў сучаснай сельскагаспадарчай тэрмінасістэме.
• Роля глабалізацыі і інтэрнацыяналізацыі ў фарміраванні аграрнай лексікі.
• Сінанімія, дублетнасць, эквівалентнасць і варыятыўнасць тэрмінаў у сельскагаспадарчай спецыяльнай лексіцы. Праблемы гарманізацыі, нарматыўнасці і стандартызацыі аграрнай тэрміналогіі.
• Сельскагаспадарчыя тэрміны і паняцці ў розных відах камунікацыі. Роля тэрміналогіі ў фармалізаваным прадстаўленні аграрных навуковых ведаў.
• Тэарэтычныя і практычныя праблемы методыкі выкладання прафесійнай сельскагаспадарчай лексікі.
• Аграрная тэрміналогія ў кантэксце корпусных даследаванняў і камп’ютарнай лінгвістыкі.
• Уцягнутасць тэрміналогіі ў сучасную пошукавую інфраструктуру глабальнай вэб-прасторы: распрацоўка, вядзенне і выкарыстанне лічбавых лінгвістычных сродкаў (корпусаў, слоўнікаў, тэзаўрусаў, інфармацыйна-пошукавых моў і інш.).

Рабочыя мовы канферэнцыі: беларуская, руская, англійская.

ПАТЭНЦЫЙНЫЯ ЎДЗЕЛЬНІКІ КАНФЕРЭНЦЫІ:

• навукоўцы, пачынаючыя даследчыкі, аспіранты, дактаранты;
• выкладчыкі ўстаноў адукацыі;
• кіраўнікі і спецыялісты, якія працуюць у сферы навукі, адукацыі, культуры, інфармацыі, рэдакцыйна-выдавецкай дзейнасці, сельскай гаспадаркі;
• усе, хто цікавіцца пытаннямі філалогіі і лінгвістыкі.

УМОВЫ ЎДЗЕЛУ:

Да 05 кастрычніка 2025 г. даслаць тэкст даклада ў аргкамітэт канферэнцыі па электроннай пошце: .

Да 15 кастрычніка 2025 г. неабходна прайсці рэгістрацыю на сайце бібліятэкі: https://belal.by/.

Час выступу (уключаючы дыскусію) на пленарным паседжанні – да 25 хвілін, на секцыйных паседжаннях – да 15 хвілін.

Рэгістрацыйны ўнёсак за ўдзел у канферэнцыі не патрабуецца.

Аплата праезду, пражывання і харчавання – за кошт удзельнікаў канферэнцыі або накіроўваючых устаноў (арганізацый).

ДАКЛАДЫ:

Прымаюцца арыгінальныя працы, якія маюць навуковае і прыкладное значэнне, адпавядаючыя тэматычным напрамкам канферэнцыі і не апублікаваныя дзе-небудзь раней.

Аб’ём тэксту даклада разам з анатацыяй, малюнкамі, дадаткамі, схемамі і інш. – не больш за 6 старонак фармату А4. Адзін удзельнік можа быць аўтарам не больш чым двух дакладаў.

Матэрыялы зборніка будуць размешчаны на платформе Навуковай электроннай бібліятэкі eLIBRARY.RU і ў Расійскім індэксе навуковага цытавання (РІНЦ) па адрасе: http://elibrary.ru.

Тэксты дакладаў павінны адпавядаць наступным патрабаванням:

• тэкст у рэдактары Word, шрыфт Times New Roman (Times New Roman Cyrillic) у звычайным напісанні, кегль – 14 пт;
• міжрадковы інтэрвал – адзін міжрадковы інтэрвал;
• выраўноўванне па шырыні тэксту;
• абзацны водступ – 1,25 мм;
• палі: верхняе і ніжняе – 20 мм, левае – 25 мм, правае – 10 мм;
• схемы, дыяграмы, фатаграфіі, сканаваныя віды экранаў і інш. малюнкі – у фармаце JPG;
• індэкс УДК – выраўноўванне злева, без абзацнага водступа;
• на беларускай, рускай і англійскай мовах: назва даклада (шрыфт паўтлусты); прозвішча, ініцыялы аўтара (суаўтараў); назва ўстановы (арганізацыі), якую прадстаўляе аўтар (суаўтары); e-mail; выраўноўванне ўсёй інформацыі – па цэнтры;
• на беларускай, рускай і англійскай мовах: анатацыя і ключавыя словы, якія раскрываюць змест даклада; памер анатацыі – не болей 850 сімвалаў (уключаючы прабелы); шрыфт – курсіў;
• спіс выкарыстаных крыніц афармляецца ў парадку цытавання ў тэксце даклада ў адпаведнасці з Інструкцыяй ВАК Рэспублікі Беларусь, спасылкі ў тэксце даклада афармляюцца ў квадратных дужках з указаннем старонак: [2, с. 72–75].

Даклады, якія не адпавядаюць вышэйпрыведзеным патрабаванням, НЕ РАЗГЛЯДАЮЦЦА 

Пасля тэксту даклада ўказваюцца звесткі пра аўтараў: прозвішча, імя, імя па бацьку (поўнасцю); вучоная ступень і званне (пры наяўнасці); назва (поўнасцю) і адрас установы (арганізацыі), якую прадстаўляе аўтар (суаўтары), пасада; кантактны тэлефон; е-mail.

Аргкамітэт пакідае за сабой права ўключыць атрыманыя даклады ў праграму канферэнцыі і зборнік матэрыялаў канферэнцыі або адхіліць.

МЕСЦА ПРАВЯДЗЕННЯ КАНФЕРЭНЦЫІ:

Беларуская сельскагаспадарчая бібліятэка:
Беларусь, г. Мінск, вул. Казінца, д. 86, корп. 2

КАНТАКТЫ:

Бабарыка-Амельчанка Вераніка Барысаўна,
загадчык аддзела даследчай і навукова-метадычнай дзейнасці БелСГБ
тэл. +375 17 379-11-70

Каракулька Юлія Алегаўна,
вучоны сакратар БелСГБ
тэл. +375 17 379-00-46
тэл./факс +375 17 379-55-00

Капылоў Ігар Лявонавіч,
дырэктар Інстытута мовазнаўства імя Якуба Коласа
тэл. +375 17 270-13-31