18 студзеня ў Беларускай сельскагаспадарчай бібліятэцы прайшоў навукова-практычны семінар «Сучасныя магчымасці арганізацыі аддаленага доступу да інфармацыйных рэсурсаў бібліятэкі».
На мерапрыемстве былі разгледжаны пытанні аддаленага доступу да інфармацыйных рэсурсаў бібліятэкі, што з'яўляецца важным крокам у павышэнні эфектыўнасці доступу да ведаў і рэсурсаў для навуковай і адукацыйнай супольнасці.
Падчас мерапрыемстваў адбылася прэзентацыя дзвюх сістэм аўтэнтыфікацыі выдаленых карыстальнікаў – "MyLOFT" і "RemoteXs". Дакладчыкамі семінара выступілі Андрэй Уладзіміравіч Сакалоў, дырэктар па развіцці ТАА «Неапашук», і Аміт Кумар, намеснік дырэктара Eclat Engineering Pvt. Ltd.
Удзел у семінары прынялі прадстаўнікі шасці ўстаноў навукі, адукацыі, культуры і выдавецкай сферы, якія выкарыстоўваюць у сваёй рабоце электронныя інфармацыйныя рэсурсы. Акрамя знаёмства з функцыяналам праграмнага інструментара, кожны з удзельнікаў меў магчымасць задаць пытанні, звязаныя з практычнымі аспектамі яго ўкаранення ў абслугоўванне карыстальнікаў з улікам спецыфікі арганізацыі бібліятэчна-інфармацыйнай работы канкрэтных устаноў. Удзельнікі семінара сышліся на думцы, што арганізацыя аддаленага доступу да інфармацыйных рэсурсаў з'яўляецца адным з ключавых напрамкаў па павышэнні эфектыўнасці выкарыстання інфармацыйных рэсурсаў бібліятэкі.
Мерапрыемства садзейнічала павышэнню дасведчанасці аб сучасных тэхналогіях аддаленага доступу да інфармацыйных рэсурсаў бібліятэк, прайшло ў інтэрактыўнай форме і сяброўскай атмасферы. Дзякуем дакладчыкам і слухачам за ўдзел!
