Аграрная навука па-беларуску

1.1. Навукова-асветніцкая акцыя “Аграрная навука па-беларуску” (далей –Акцыя), прымеркавана да Дня беларускай навукі і Дня роднай мовы. Мэта Акцыі – фарміраванне пазітыўных адносін да павышэння ўзроўню выкарыстання беларускай мовы ў айчыннай аграрнай навуцы, падтрымка развіцця навуковай сельскагаспадарчай тэрміналогіі праз выкарыстанне беларускай мовы навукоўцамі-аграрнікамі ў пісьмовай навуковай камунікацыі, папулярызацыя беларускай мовы.

1.2. Задачы Акцыі:

• прыцягненне ўвагі даследчыкаў, навукоўцаў, выкладчыкаў сельскагаспадарчай і сумежных галін ведаў да пытанняў выкарыстання беларускай мовы ў інфармацыйна-камунікатыўнай прасторы;
• далучэнне дзеячаў агарнай навукі ўсіх узроўняў да пашырэння ўжывання беларускай мовы ў нацыянальным навуковым і прафесійным асяродку;
• фарміраванне матывацыі да вывучэння роднай мовы і ўдасканалення кампетенцый маўлення на беларускай мове;
• дэманстрацыя і назапашванне галіновых навуковых беларускамоўных тэкстаў у якасці прыкладаў развіцця сучаснай беларускай лінгвістыкі.

1.3. Арганізатарам Акцыі з’яўляецца дзяржаўная ўстанова “Беларуская сельскагаспадарчая бібліятэка імя І.С. Лупіновіча” Нацыянальнай акадэміі навук Беларусі (далей –Арганізатар). Кантактная асоба: Вераніка Бабарыка-Амельчанка,
тэл.: +375 17 379 11 70, e-mail: .

1.4. Удзельнікамі Акцыі могуць быць студэнты, аспіранты, даследчыкі, навукоўцы, прадстаўнікі прафесарска-выкладчыдскага складу навучальных устаноў і іншыя асобы, якія маюць беларускамоўныя публікацыі, адпавядаючыя патрабаванням (п. 2.2.2.). Колькасць удзельнікаў не абмежавана. Матэрыялы да ўдзелу ў Акцыі дасылаюць самі ўдзельнікі.

2.1. Акцыя праводзіцца з 25 студзеня па 21 лютага 2021 года.

2.2. Для ўдзелу ў Акцыі неабходна даслаць заяўку і матэрыялы на адрас электроннай пошты:

2.2.1. У заяўцы на ўдзел змяшчаюцца персанальныя данныя ўдзельнікаў:

• прозвішча, імя, імя па бацьку (поўнасцю);
• адрас электроннай пошты і тэлефон;
• звесткі аб месцы працы або вучобы (афіцыйная назва агранізацыі, структурная адзінка, пасада);
• навуковая ступень, навуковае званне (пры наяўнасці).

2.2.2. Матэрыялы для ўдзелу ў Акцыі ўключаюць:

• бібліяграфічны спіс апублікаваных на беларуская мове навуковых прац па сельскагаспадарчай і сумежнай тэматыцы (у тым ліку ветэрынарыі, аквакультуры і рыбнай гаспадарцы, харчаванні, лясной гаспадарцы і інш.): матэрыялаў навуковых, навукова-практычных канферэнцый, з’ездаў, кангрэсаў, сімпозіумаў і інш. падобных мерапрыемстваў; артыкулаў са зборнікаў навуковых прац і навуковых часопісаў (у тым ліку навукова-тэарэтычных, навукова-практычных, навукова-вытворчых, навукова-тэхнічных, навукова-метадычных, навукова-асветніцкіх); кніжных выданняў (рэкамендацый; інструкцый, манаграфій і інш.);
• копіі апублікаваных навуковых прац.

Абмежаванняў па колькасці і даце выхаду публікацый няма. У выпадках, калі публікацыя падрыхтавана калектывам аўтараў, кожны з суаўтараў мае магчымасць прыняць удзел у Акцыі паасобку.

3.1. Вынікі Акцыі падводзяцца Арганізатарам на падставе атрыманых заявак і матэрыялаў і размяшчаюцца на афіцыйным сайце Арганізатара: https://belal.by 

3.2. Кожнаму ўдзельніку Акцыі выдаецца сертыфікат удзельніка.

3.3. За кожную прадстаўленную беларускамоўную публікацыю па сельскагаспадарчай або сумежнай тэматыцы ўдзельнік атрымае магчымасць да заканчэння 2021 года аднаразова бясплатна скарыстацца адной з ніжэйпералічаных паслуг, якія ажыццяўляе Арганізатар:

• электронная дастаўка 2 дакументаў па пытаннях сельскай гаспадаркі і сумежных галінах;
• індэксаванне 3 дакументаў індэксамі УДК;
• дапрацоўка бібліяграфічнага спіса (да 15 крыніц);
• вызначэнне навукаметрычных паказчыкаў публікацыйнай актыўнасці аўтара (адно прозвішча).