Міжнародная навуковая канферэнцыя 2026

3–4 снежня 2026 г. дзяржаўная ўстанова «Беларуская сельскагаспадарчая бібліятэка імя І.С. Лупіновіча» Нацыянальнай акадэміі навук Беларусі праводзіць VII Міжнародную навуковую канферэнцыю «Бібліятэкі ў інфармацыйным грамадстве: захаванне традыцый і развіццё новых тэхналогій».

ТЭМАТЫЧНАЕ ПОЛЕ КАНФЕРЭНЦЫІ:

• Гісторыя, актуальны стан і перспектывы развіцця бібліятэчна-інфармацыйнай сферы.
• Фарміраванне фондаў ва ўмовах пераменлівага рынку: традыцыйныя і электронныя інфармацыйныя рэсурсы.
• Функцыянаванне бібліятэчных фондаў, бібліяграфаванне і раскрыццё інфармацыйных рэсурсаў бібліятэк.
• Бібліятэчна-бібліяграфічнае абслугоўванне і інфармацыйная падтрымка: напрамкі, формы, тэхналогіі.
• Карыстальнікі бібліятэк: характарыстыка, інфармацыйныя патрэбы і чытацкая цікавасць, грані ўзаемадзеяння.
• Ад аўтаматызацыі да штучнага інтэлекту: інфармацыйныя тэхналогіі, праграмныя інструменты і сэрвісы ў шматаспектнай бібліятэчна-інфармацыйнай дзейнасці.
• Інфармацыйна-рэсурсная інфраструктура сістэмы навукова-тэхнічнай інфармацыі.
• Прысутнасць бібліятэк у лічбавым асяроддзі: вэб-рэсурсы, віртуальныя праекты, актыўнасць у сацыяльных сетках, блогінг і інш.
• Карпаратыўнае ўзаемадзеянне і міжнароднае супрацоўніцтва ў дзейнасці бібліятэк.
• Пытанні падрыхтоўкі кадраў і актуалізацыі прафесійных кампетэнцый спецыялістаў бібліятэчна-інфармацыйнай галіны.
• Навукова-метадычнае ўзаемадзеянне і прафесійная камунікацыя ў бібліятэчнай супольнасці.
• Даследчыцкая работа бібліятэк: традыцыйныя накірункі і перспектывы развіцця кнігазнаўства, бібліяграфазнаўства, бібліятэчна-інфармацыйнай навукі.
• Уцягнутасць бібліятэк у рэдакцыйна-выдавецкую дзейнасць: бібліяграфія, метаданыя, уласныя выданні і інш.
• Бібліятэка як суб’ект інфармацыйна-асветніцкіх і сацыякультурных камунікацый.

ПАТЭНЦЫЙНЫЯ ЎДЗЕЛЬНІКІ КАНФЕРЭНЦЫІ

• кіраўнікі і спецыялісты бібліятэк, інфармацыйных і навуковых устаноў;
• навукоўцы, пачынаючыя даследчыкі, аспіранты, магістранты;
• выкладчыкі і супрацоўнікі ўніверсітэтаў і іншых адукацыйных устаноў;
• прадстаўнікі выдавецтваў, вытворцаў, распаўсюджвальнікаў інфармацыйных рэсурсаў і сэврвісаў;
• усе зацікаўленыя асобы.

УМОВЫ ЎДЗЕЛУ:

Да 1 кастрычніка 2026 г. прадставіць тэкст даклада ў аркамітэт канферэнцыі па электроннай пошце:
Да 15 кастрычніка 2026 г. неабходна прайсці анлайн рэгістрацыю на сайце бібліятэкі: https://belal.by/, пацвердзіўшы сваю згоду на апрацоўку персанальных даных.
Час выступлення (уключаючы пытанні і адказы) на пленарным паседжанні – да 25 хвілін, на секцыйных – да 15 хвілін.
Рабочыя мовы канферэнцыі: беларуская, руская, англійская.
Рэгістрацыйны ўнёсак за ўдзел у канферэнцыі не патрабуецца.
Аплата праезду, пражывання і харчавання – за кошт удзельнікаў канферэнцыі або накіроўваючых устаноў (арганізацый).

ДАКЛАДЫ:

Прымаюцца арыгінальныя працы, якія маюць навуковае і прыкладное значэнне, адпавядаючыя тэматычным напрамкам канферэнцыі і не апублікаваныя дзе-небудзь раней.
Аб’ём тэксту даклада разам з анатацыяй, малюнкамі, дадаткамі, схемамі і інш. – не больш за 6 старонак фармату А4. Адзін удзельнік можа быць аўтарам не больш чым двух дакладаў.
Матэрыялы зборніка будуць размешчаны на платформе Навуковай электроннай бібліятэкі eLIBRARY.RU і ў Расійскім індэксе навуковага цытавання (РІНЦ) па адрасе: http://elibrary.ru.

Тэксты дакладаў павінны адпавядаць наступным патрабаванням:

• тэкст у рэдактыры Word, шрыфт Times New Roman (Times New Roman Cyrillic) у звычайным напісанні, кегль – 14 пт;
• міжрадковы інтэрвал – адзін міжрадковы інтэрвал;
• выраўноўванне па шырыні тэксту;
• абзацны водступ – 1,25 мм;
• усе палі – 20 мм;
• схемы, дыяграмы, фатаграфіі, відарысы і інш. малюнкі – у фармаце JPG;
• індэкс УДК – выраўноўванне злева, без абзацнага водступа;
• на беларускай або рускай і англійскай мовах: назва даклада (шрыфт паўтлусты); прозвішча, ініцыялы аўтара (суаўтараў); назва ўстановы (арганізацыі), якую прадстаўляе аўтар (суаўтары), e-mail; выраўноўванне ўсёй інформацыі – па цэнтры;
• на беларускай або рускай і англійскай мовах: анатацыя і ключавыя словы, якія раскрываюць змест даклада; памер анатацыі – не болей 850 сімвалаў (уключаючы прабелы); шрыфт курсіў;
• спіс выкарыстаных крыніц афармляецца ў парадку цытавання ў тэксце даклада ў адпаведнасці з Інструкцыяй Вышэйшай атэстацыйнай камісіі Рэспублікі Беларусь, спасылкі ў тэксце даклада афармляюцца ў квадратных дужках з указаннем старонак: [2, с. 72–75];
• узор афармлення даклада прыкладаецца.

Пасля тэксту даклада ўказваюцца звесткі пра аўтараў: прозвішча, імя, імя па бацьку (поўнасцю); вучоная ступень і званне (пры наяўнасці); назва (поўнасцю) і адрас установы (арганізацыі), якую прадстаўляе аўтар (суаўтары), пасада; кантактны тэлефон; е-mail.
Даклады, якія не адпавядаюць вышэйпрыведзеным падтрабаванням, НЕ РАЗГЛЯДАЮЦЦА.

Аргкамітэт пакідае за сабой права ўключыць атрыманыя даклады ў праграму канферэнцыі і зборнік матэрыялаў канферэнцыі або адхіліць.

МЕСЦА ПРАВЯДЗЕННЯ КАНФЕРЭНЦЫІ:

Беларуская сельскагаспадарчая бібліятэка: Беларусь, г. Мінск, вул. Казінца, д. 86, корп. 2.

КАНТАКТЫ:

Каракулька Юлія Алегаўна, вучоны сакратар

тэл. +375 17 379-00-46 

Бабарыка Дзмітрый Пятровіч, намеснік дырэктара па навуковай рабоце

тэл. +375 17 379-15-70
тэл./факс +375 17 379-55-00
  

УВЕРХ

УВЕРХ

        Анатацыя. Даклад прысвечаны аналізу беларускіх электронных навуковых часопісаў адкрытага доступу, якія зарэгістраваны ў галоўным сусветным агрэгатары часопісаў адкрытага доступу DOAJ. Разгледжаны тэхналогіі электронных часопісаў і іх месца ў сістэме сучасных навуковых камунікацый. Аналізуюцца прычыны ўзнікнення сусветнага крызісу падпіскі на навуковыя часопісы. Апісана ўзнікненне і развіццё руху за адкрыты доступ да вынікаў навуковых даследаванняў. Разгледжаны анлайнавы рэсурс часопісаў адкрытага доступу DOAJ, дынаміка змены задач, якія вырашаюцца ім. Прааналізавана калекцыя беларускіх адкрытых навуковых часопісаў, прадстаўленая ў даведніку DOAJ.
        Ключавыя словы: навуковая камунікацыя, навуковыя часопісы, электронныя навуковыя часопісы, адкрыты доступ, «залаты» адкрыты доступ, «зялёны» адкрыты доступ, навуковыя публікацыі, DOAJ, Беларусь. 

     Каля трох стагоддзяў (да 1960-х гг.) большасць навуковых часопісаў ў свеце былі некамерцыйнымі. Аднак у 1960-70-х гг. найбуйнейшыя навуковыя камерцыйныя выдавецтвы (такія, як Elsevier, Springer і інш.) змянілі тэхналогіі падпіскі на навуковыя часопісы, выкупляючы іх у некамерцыйных арганізацый, моцна павышаючы кошты на падпіску і падаючы яе толькі ў рамках «пакетаў», гэта значыць зараз бібліятэкі не маглі выбіраць асобныя часопісы, на якія жадалі падпісацца, а былі вымушаныя купляць падпіску на ўсе часопісы, якія ўваходзілі ў пакет [3]. Пры гэтым кошты на падпіскі на навуковыя часопісы ўзраслі ў некалькі разоў хутчэй чым агульная інфляцыя: так з 1984 па 2001 гг. у ЗША кошты падпіскі на навуковыя часопісы ў галіне фізікі ўзраслі на 615%, у той час як агульная інфляцыя склала 70% [4].
...
...

...
...

Малюнак 1 – Заснавальнікі беларускіх навуковых часопісаў адкрытага доступу ў DOAJ

...
...

Спіс выкарыстаных крыніц:

Звесткі пра аўтара: Багданава Ірына Феліксаўна; кандыдат сацыялагічных навук, дацэнт; дзяржаўная ўстанова «Беларуская сельскагаспадарчая бібліятэка імя І.С. Лупіновіча» Нацыянальнай акадэміі навук Беларусі (вул. Казінца, 86/2, г. Мінск, Беларусь), вядучы навуковы супрацоўнік аддзела даследчай і навукова-метадычнай дзейнасці; +375 17 379 11 70; .

УВЕРХ